Gohirio Ras yr Iaith

Yn dilyn cyfarfod rhwng Ras yr Iaith ac awdurodau’r priffyrdd a’r heddlu ar 21 Awst 2013 cytunwyd i ohirio cynnal y Ras. Roedd y Ras hwyl gyfnewid dros y Gymraeg i’w chynnal rhwng 13 – 15 Medi 2013. Y tebygrwydd nawr yw y caiff ei chynnal yn haf 2014.

Daethpwyd i’r penderfyniad anodd yma yn dilyn trafodaeth ar agweddau o reoli ffyrdd a sicrhau diogelwch y rhedwyr.

“Mae Ras yr Iaith wedi dal yn nychymyg pobl ar draws Bro Ddyfi, Ceredigion a thu hwnt,” meddai Siôn Jobbins, Cadeirydd y Ras.

“Mae grwpiau mor amrywiol ag ysgolion, Merched y Wawr, clybiau rygbi a phêl-droed, busnesau a chapeli wedi eu hysbrydoli i dalu £50 i noddi cilomedr o’r Ras i ddathlu’r iaith Gymraeg ond mae ei diogelwch hwy yn flaenllaw ym meddyliau trefnwyr y Ras a’r awdurdodau. Yn ystod y cyfarfod yn Aberaeron daeth yn amlwg i ni fod angen cadarnhau elfennau o’r Ras a hynny mewn amser tynn iawn iawn. Yn hytrach na ruthro drwy’r newidiadau, teimlwyd mai gwell fyddai cymeryd cam yn ôl a gohirio nes 2014,” ategodd Siôn.

Mae Ras yr Iaith wedi ei seilio ar rasus hwyl llwyddiannus eraill dros ieithoedd brodorol Llydaw, Iwerddon a Gwlad y Basg. Dyma’r tro cyntaf i ddigwyddiad mor fentrus ac uchelgeisiol fel hon gael ei chynnal yng Nghymru.

Y newyddion da yw fod trefniadau’r Ras mewn lle gan grwpiau lleol sydd wedi bod yn cwrdd ers misoedd. Yn wir, cymaint yw’r llwyddiant fod y trefnwyr nawr yn barod i adeiladu arno ac ystyried ffyrdd o ehangu’r Ras fel bod cyfle i ragor o bobl ddangos eu cefnogaeth i’r Gymraeg a chadw’n iach.

“Os ydy’r Gymraeg i ffynu mae’n rhaid i ni fod yn uchelgeisiol drosti. Mae Ras yr Iaith yn ddigwyddiad uchelgeisiol iawn ac o’r herwydd hynny mae’n bwysig ei wneud yn iawn. Mae gohirio’r Ras yn golygu fod ganddom y cyfle i’w wneud hyd yn oed yn well ac yn ehangach ei apel yn 2014 nag y byddai wedi bod ym mis Medi eleni. Rydym yn edrych ymlaen ac yn croesawu awgrymiadau gan unigolion a chymdeithasau i sicrhau y bydd miloedd o bobl yn rhedeg dros yr iaith Gymraeg yn 2014,” ategodd Siôn.

Tagiwyd: , , ,
Postiwyd yn Newyddion
Twitter
Ras yr Iaith @RasyrIaith
Bu 'ras' arall wrthi yng Ngwlad y Basg - @GeraintThomas86 yw enillydd #tourdefrance eleni! Llongyfarchiadau ENFAWR!!!!
Ras yr Iaith @RasyrIaith
Gwisgo melyn i ddathlu buddugoliaeth Geraint Thomas yn y #TDF2018 Wrth gwrs roedd @RasyrIaith yn gwybod nôl yn 201… twitter.com/i/web/status/1…
Siôn Jobbins @MarchGlas
Gŵyl Basgeg yn Baiona (Bayonne), gogledd Gwlad y Basg ar ochr Ffrainc. Baswn i'n dwli gweld ein gwyliau Cymreig ni… twitter.com/i/web/status/1…
Mentrau Iaith Brecon Carreg Llaeth y Llan Golwg Prifysgol Cymru Y Drindod Dewi Sant Swyddfa Comisiynydd yr Heddlu a Throseddu Gwent Comisiynydd Heddlu a Throseddu Dyfed-Powys BT Prifysgol Aberystwyth Tinopolis