Beth Gallwch Wneud?

Rhedeg

Bydd cyfle i unigolion, teuluoedd, busnesau, clybiau, sefydliadau neu ysgolion noddi i redeg 1 kilomedr gan gario’r baton sy’n cynnwys neges arbennig y tu mewn iddo. Gall holl ddisgyblion yr ysgol neu holl aelodau tîm pêl-droed y pentref redeg yr 1 kilomedr. Mae croeso i bobl barhau a rhedeg mwy nag un kilomedr gan ymuno â noddwyr eraill. Yn wahanol i rasus eraill nid oes angen casglu nawdd bersonol, noddi’r km sy’n bwysig nid nawdd unigolion.

Dathlu

Cynhelir digwyddiadau ar hyd llwybr y ras lle bydd cyfle i ddathlu’r iaith a’n cymunedau Cymraeg yn ogystal â dangos cefnogaeth i’r rhedwyr. Beth am i’ch mudiad neu clwb chi drefnu digwyddiad i groesawu’r ras trwy’ch tref neu bentref neu fin nos yn y trefi ar hyd y daith?

Trefnu

Mae llwyddiant y ras yn dibynnu’n llwyr ar gymunedau lleol a gwirfoddolwyr yn dod at ei gilydd i drefnu llwybr y ras, dathliadau a lledaenu’r neges o bwysigrwydd Ras yr Iaith 2014 yn lleol. Gallwch ymuno gyda’ch pwyllgor lleol sy’n cydlynu’r pethau hyn. Rydym yn edrych am bobl i:

  • Codi a dosbarthu posteri
  • Bod ar bwyllgor Hyrwyddo’r Ras
  • Bod yn rhan o dîm cerbydau’r Ras
  • Bod ar bwyllgor iechyd a diogelwch y Ras
  • Bod ar gael fel meddyg neu person cymorth cyntaf
  • Stiwardio ar y dydd

Unigolion

Gall unigolion gefnogi’r ras drwy redeg, noddi km, cyfrannu tuag at ddigwyddiad dathlu, mynychu’r dathlu, gwirfoddoli gyda’r trefnu, lledaenu’r neges.

Grŵp

Gall grŵp neu fudiad gefnogi’r ras drwy redeg, noddi rhedwyr, trefnu digwyddiad dathlu, cynnal stondin mewn digwyddiad dathlu, mynychu’r dathlu a lledaenu’r neges.

Busnes

Gall busnes gefnogi’r ras drwy redeg, noddi rhedwyr, noddi’r ras (rhoddir cydnabyddiaeth i hyn drwy arddangos logo neu enw’r busnes), trefnu digwyddiad dathlu, cynnal stondin mewn digwyddiad dathlu, mynychu’r dathlu, lledaenu’r neges. Bydd yn ffordd wych o ddangos cefnogaeth bositif a hapus i’r Gymraeg a’r gymuned leol.

S4C BT Cronfa Loteri Fawr Prifysgol Aberystwyth Sefydliad Cymunedol Mentrau Iaith Cymru Cyngor Tref Aberystwyth Llaeth y Llan

Derbynwyd cefnogaeth arbennig i’r Ras gan: Fentrau Iaith Gorllewin Sir Gâr, Penfro, Maldwyn, Conwy a Dinefwr a hefyd mudiadau Hunaniaith, Y Dref Werdd, Canolfan yr Urdd Glan-llyn a’r Sesiwn Fawr.